A bout Us
|
|
|
Kanmah KongChin miphun hna cu kong tampi ruangah vawlei cung ramkip ah vakvai in kan kal hna i, Denmark ram zongah 1992 in kan rak phan ve cang. A bik in 2003 in Chinmi tampi Denmark ah cun kan rak phan than hna I, 2006 tiangah Chinmi 500 renglo kan um cang. Denmark ram cu ram fate a si ko nain ram pakhat a si ve bantuk in Chinmi hna cu hmunkhat ah umti awk a tha lo i, hmunkip ah umhmun kuar in um cio asi. Kanmah le kan umnak hmun cio ah Denmark Khrihfa bu sinah pethlaihnak a tuahmi zong um a si. Umnak a naih deuhmi le a tong kho deuhmi poah cu hmunkhat ah kanmah holh tein pumhnak ngeih cio a si. Khrihfa bu phunphai tein um a si i, Khrihfa bu min hna zong i bunh cio asi. Kan dihlak in hmun kua ( bu kua) ah pumhnak kan ngei hna. Cu vialte cu hmunkhat te ah kan i komh dih i Chin Christian Fellowship in Denmark ( CCFDK ) tiah kan ti.Kan umnak a dan lawng si loin, kan i hlat deuh hna caah CCFDK min tu cun zarhchiarte pumhnak tuahkhawh a si lo. Kumkhat ah voi khat in CCFDK Civui tuah a si. Kan tikhawh tawk tein Denmark ram chung le Chin ram chungah riantuanak kan ngei. A zeikong kau ah CCFDK sin ah ruahnak cheuhnak, thazang peknak, fohfialnak le zei dangdang nan duh ahcun lunglawm tein kan in don zungzal hna. Lunglawmhnak in Chin Christian Fellowship in Denmark Mail : This e-mail address is being protected from spam bots, you need JavaScript enabled to view it Phone : 004579370350
|