| Sermon by Salai Cung Cin (Sep 16, 2007) |
|
|
|
Langak Bantuk Kan si Saul Maw?6Ni sawm li hnuah Noah nih thlalangawng kha a hun i 7langak pakhat a thlah. (Vawlei cungin ti cu a kao hlantiang a kenkip ah a zuang lengmang). 8Cun Noah nih cun ti cu a zor cang maw zor cang lo ti hngalhnak dingah ṭhuro pakhat a thlah, 9sihmanhsehlaw ti nih khan vawlei kha a rak khuh dih rih caah futnak hmun a hmu lo. Cucaah Noah nih khan a kut in a hei banh i lawng chungah cun a luh ṭhan. 10Ni sarih a ngan hnuah lawng chung cun ṭhuro cu a thlah ṭhan. 11A sinah zanlei ah khan a ra kir i a hmur in oliv hnah tharte hi a hun i put. Cucaah Noah nih ti cu a ṭum cang ti kha a hngalh. 12Cun Noah nih cun a dang ni sarih a ngan ṭhan i ṭhuro kha a thlah ṭhan; tutan cu a ra kir ti lo. (Genesis 8: 6-12) A luancia kan hnu lei kum 19 chung, thil tlawmpal te (abik in Refugees kong)khi mitsiar nawn in ka hei conh ttan tik ah;…………“Kum 30 ring lo kum 1962, in kan rak i thup lengmang cangi kan celh hin ti lo, thih le loh aum sual asi ah cun, inn leitu ah thawng rak kan thanh piakte uh law, atu ningte hin nanmah le nanmah i dawt in Chin miphun harsa pawl an um sual ah cun rak i bawm zungzal uh” tiah tleicia Pu Mang Tling nih “Maniloy” camp arak luh lai i bia arark kan cah takmi tekha ka hna thlam ah acuang peng. Mah lio i ttih a rak nungtuk mi cu, Camp chung alutmi poh kha Vanlawng in kawlram ah kuat tthan ding tiah theih arak si(Pu Mang Tling le Tony Lian Thang hi Ne Win nih tleih ding ah arak duh tuk mi hna an rak si). Burmese Ministries rian arak ttuan mi Pastor Bop Cole (Ausi pa, tlei cia) thlacam nak in camp chung ah cun anrak lut. Refugees sawknak nawl ngeihhnu kum khat ringlo ah“Maniloy” camp(Ahmasa bik camp) ah a lutlo mihna poh le Kawlram mi poh cu tleih dih in Kawlram ah kuat nansi lai tiah Thailand acozahnih last warning arak pek. 1988, hnu early 1990 ah refugees sawknak nawl a rak i thawkka te Bangkok, Thailand ah hin, kan Chin miphun lak ah ahmasabik refugees arak hmu mihna cu; Pu Mang Tling (U.S.A, Tleicia), Pu Tony Lian Thang (Canada), Pu Andrew Thawng Khup (Canada) le Pu Sui Hing (Bangkok), Pu Bawi Lian Mang (Canada/U.S.A), Pu Mang Bik (Canada), Pu Roger (Canada), cu hnu ah Pu Ngun Hup (Australia), Pu Ceu Lian Mang (Australia), an si hna i mah hna pawl an kal dih hnu ah kei zong Pathian dawnt in Canada ram cu Thawnginn chungin ka rak phan ve. Ka phak tlawmpal ah Pu Victor BiaK Lian le a inn chungnu Nu Khuang India in Canada ah an rak phan ve. U.S.A le Europe lei ah Chin mi tlawm te an rak phan ve. 1998, Tokyo, Japan ah Kum 14 chung kanni duh hnu ah ka thaisung nu Lal Cer Lian he Pathian dawtnak in kan ni um. Feb 14, 2000 ah kan innchung nu Canada ram arakphan. Fapa dawh Lian Hram (kum 6), Fanu dawhte Julianne Hniang (kum 4) pathian nih akan pek. 1995 ah Chin Human Right Organization (CHRO) le 1998 ah Chin Seminar (ahnu ah Chin Forum) cu, an Sianginn kai bu le Kheng ttawl bu in, ka Chin miphu caah attha hmen hnga maw ti ruah chan nak in, Ottawa, Canada ah Pu Bawi Lian Mang, Pu Victor Biak Lian le Pu Mang Bik, cun adang kan Chin upa pawl nih rak dirh in tuah arak asi. Dr. Ngun Cung Lian nih Lai forum le atu CIM group mail hi arak kan tuah piak. Cun, Pu Ceu Hlun nih Rungcin group arak kan tuah piak ve. CIM hi Dr. Lian Hmung Sakhong hruai nak in rak thawk asi i, 2003 ah CIM phungchim nak cauk zong rak chuah khawh arak si. 1999-2000 hrawng in Guam, India, Malaysia, visas, Mexico le adang Lam dang phunphun in, Vawllei cung ram ttha bik timi ram 10 leng (G-7 countries telhchih in) ah Chin miphun pawl 5000 ringlo kan phan hna. Kan phaknak le kan um nak hmun cio ah pumhnak te te kan ngei dih hna. Khua khat ah Chinmi pumhnak pa 2, 3,4,5 tiang aum nak zong a um. Kan Pastor tel le hruaitu Krihfa upa hna nih kan um nak cio ah an si khawh chungin an kan zohkhenh. Hi thil vial te kan zoh tthan tikah Pathian duhnak locun asi kho ding ah ka hmu hin lo. Zei hi dah a kan duhsak nak taktak asi hnga tiah hin ka ruah ttheu tawn??? *********************************************************************************** 1984-85 tiang Sianginn lim ka ah hin, asang bik timhmi kan rak ngeih khawhmi cu, ni khat khat ah 450 Kyats scales (Manager kan ti lai cu) hmuhkhawh, asi lo ah Khuathlang lei kal i Saya rian ttuan hi asi bik. Ram dang kal ding hi cu kan mang hmanh ah kan rak manh ngam bal lo. Ram dang kal duh ah cun, B.A, B.Sc nih 30,000 Kyats le Engineer le M.D nih 50,000 Kyats rak liam asi. Cu lio i asangbik mi Aungbali hi 100,000 Kyats arak si. Buanchukcho adih cang hngama ti theih nak ah Noah nih 7langak pakhat a thlah. (Vawlei cungin ti cu a kao hlantiang a kenkip ah a zuang lengmang) (Gen: 8-7) ti kan zoh tik ah; keimah ka ruahnak ah, ti cung i athi mi Sathu pawl kha atlanh hna lai i, Ka Bawi pa nih zei dah a ka fialmi ti theih lo le ruah duh lo in, amah duh ning lawng in ti kao hlantiang a kenkip ah zuan dawh asi. Sihmanhsehlaw, Noah nih Ni sarih hnu ah a thlanh tthan mi thuro te cu, Asinah zanlei ah khan a ra kir i a hmur in oliv hnah tharte hi a hun i put (Gen 8:11)ah kan hmuh. A Bawi pa cu anuamh ter tuk hnga lo maw? Ziah tiah cun ti azawr cang ti kha a hngalh i a fial rian te cu a tuah cu ta. 12Cun Noah nih cun a dang ni sarih a ngan ṭhan i ṭhuro kha a thlah ṭhan; tutan cu a ra kir ti lo. (Genesis 8:12). Noah a va lunghmuih lai ning (Kan Boss pawl kan ttihzah ning kei hei ruah tikah) hi keihei ruah tikah, lunglawmhnak mithli tlak bu in Pathian si ah lunglawmh bia achim lai tiah zumhnak ka ngei. Bawipa Pathian nih afial mi rian cu tlamtling tein alim cang cu ta. Vawilei cung thil man vial te hi minung nih aman khiah mi lawng te an si bantuk in, Minung hitah aho nih dah kan man hi ahei kan khiah hnga? Kan thih hnu, lei tang akir tthan ko hgan ding?? Man ngeilo kha man sangbik le a man tiang hmanh khiah awk tthat lo tiangin Bawi Zisuh nih athi sen in akan tlanh si ko lo maw? Keimah bantuk saitlai lo ram le miphun ca zong attuan ballo mi, Nu le Pa ca zongah san tlai lo pa, Bawi Zisuh nih athin sen in, aka tlanh ve ko ti ka ruah tik ah hin, ka mitthli hi atla tawn ko ee. Kan ram ah Buanchukcho atlun lio ah, Kei hi Langak bantuk ka si ko lo maw? Bawi Zisuh ca le Kan ram le kan miphun ca ah tiin, an thiam nak dih lak le an thazang dih lak in an nun nak tiang pek bu in, ka hawi le pawl nih rian an ttuan lio ah, kei mah ca lawng le ka sibik (This is America) tiin ka um sual maw? ti ka ruah tikah Bawipa ka ngaithiam ko tiah khumhbil in thla ka cam. Bawipa Pathian nih rian a ka fial mi ka si ko lo maw ti theih bu le hngalh bu in, thuro bantuk in Oliv hnah he akir kho mi sihram ko hna uh sih ti thlacam bu in;
Bawi Khrih ah, Salai Cung Cin |
| Next > |
|---|